7 orë më parëHoxha i VV-së shkon larg: I quan kriminelë votuesit e LDK-së dhe të PDK-së
Periskopi(6 vite më parë)
(6 vite më parë)Anëtari i Vetëvendosjes (ndoshta nënkryetar) nga Republika e Shqipërisë, Elvis Hoxha, nuk po arrin ta përmbajë veten nga gjuha e urrejtjes që përdorë për skenën politike në Republikën e Kosovës. Së fundi ai ka nënkuptuar në mënyrë të qartë se votuesit e Lidhjes Demokratike të Kosovës (LDK) dhe të Partisë Demokratike të Kosovës (PDK) janë […]
Së fundi ai ka nënkuptuar në mënyrë të qartë se votuesit e Lidhjes Demokratike të Kosovës (LDK) dhe të Partisë Demokratike të Kosovës (PDK) janë të inkriminuar, domethënë kriminelë, përcjell Periskopi.
Ai ka sulmuar edhe pozicionet politike të PDK-së dhe LDK-së, dhe dy prej figurave të këtyre partive respektivisht. Thaçin e Veselin në një anë, dhe Mustafën e Veliun në tjetrën.
Kujtojmë që javët dhe ditët e fundit, anëtarë të Vetëvendosjes – përfshirë kryetarin Albin Kurti – kanë përdorur gjuhë të urrejtjes dhe të dhunshme në diskursin publik, duke e përdorur disa herë rresht në kontekste të ndryshem termin “gjakderdhje” e në një rast (A.Bahtiri) madje edhe atë “vëllavrasje”.
Aktivistët e kësaj partie politike janë organizuar haptas në rrjete sociale për të orkestuar sulme brutale verbale ndaj figurave të LDK-së në javët e fundit.
Postimi i plotë:
Kur Thaçi dhe Veseli janë në krye të partisë që del prej rezistencës së armatosur, kur Mustafa dhe Veliu janë udhëheqësit e partisë së dalë prej rezistencës paqësore, atëherë aleanca mes këtyre shefave nuk mund të prodhojë asgjë tjetër veçse rrënimin e pandalshëm të strukturave dhe inkriminimit të votuesve të tyre.
Çdo komentues që do të më tregojë të drejtën time për t’u shprehur për këto dy parti, do të dëshmojë injorancën e tij. Partitë politike nuk janë administrim subjektiv i pronës private.
