Hyseni Durmishi pranon publikisht se e ka shok pronarin e kompanisë “Bageri”
Zëvendës-ministri i Infrastrukturës, Hyseni Durmishi është kyçur në Debat Plus.
Ai iu është përgjigjur pyetjeve të gazetarit Berat Buzhalës.
Ai pohoi faktin se e njeh dhe se e ka shok pronarin e kompanisë “Bageri”, kompani kjo që ka fituar tender më të shtrenjtë se konkurrentët për më shumë se 300 mijë euro.
“Po njihem me ta prej vitit 2001. pronarin e kompanisë e kam shok” tha Durmishi.
Durmishi gjithashtu konfirmoi faktin se aneks-kontratat nuk mund të nënshkruhen nëse “e-maili” nuk dërgohet në ministri, “e-mail” ky që ka qenë njëra prej pikave kyçe të përgjimit të publikuar nga “Ditari i Buzhalës”.