një orë më parëI dyshuari për spiunazh Bojan Jevtiq paraqitet në Gjykatë, pritet vendimi për paraburgim
Periskopi(një vit më parë)
(një vit më parë)I dyshuari për spiunazh është paraqitur të premten në Pallatin e Drejtësisë në Prishtinë, ku pritet që Gjykata të vendosë për caktimin e masës së paraburgimit ndaj tij, raporton Ekonomia Online, transmeton Periskopi. Prokuroria Speciale e Republikës së Kosovës ka njoftuar se të enjten është zhvilluar një aksion i koordinuar me Inspektoratin Policor të Kosovës […]
I dyshuari për spiunazh është paraqitur të premten në Pallatin e Drejtësisë në Prishtinë, ku pritet që Gjykata të vendosë për caktimin e masës së paraburgimit ndaj tij, raporton Ekonomia Online, transmeton Periskopi.
Prokuroria Speciale e Republikës së Kosovës ka njoftuar se të enjten është zhvilluar një aksion i koordinuar me Inspektoratin Policor të Kosovës (IPK) dhe Agjencinë e Kosovës për Inteligjencë (AKI), në kuadër të hetimeve për veprimtari të dyshuar të spiunazhit.
Gjatë këtij operacioni është arrestuar Bojan Jevtiq, zyrtar policor nga komuna e Kamenicës.
“Gjatë bastisjes në shtëpinë e të dyshuarit në një fshat të Kamenicës, janë sekuestruar prova materiale si: dokumente konfidenciale të Policisë së Kosovës, disa telefona të mençur, USB, një armë e shkurtër, municion, para të gatshme në vlerë prej 10.000 eurosh, 2 milionë dinarë serbë (rreth 17.072 euro), 600 franga zvicerane dhe prova të tjera të cilat do të ekzaminohen gjatë procedurës hetimore”, thuhet në komunikatën e përbashkët të Prokurorisë dhe IPK-së.
