I riu që vdiq në aksidentin e sotëm në Duhël punonte në Komunën e Lipjanit
Në aksidentin e sotëm në rrugën Shtimje-Suharekë saktësisht në Duhël, pas një aksidenti tragjik, kanë mbetur të vdekur tre persona të cilët ishin duke udhëtuar më një makinë të tipit Golf VI.
Kryetari Komunës së Lipjanit, Imri Ahmeti, ka shprehur ngushëllime familjes Retkoceri e Tmava nga komuna e Lipjanit me rastin e vdekjes së Leonard Retkocerit dhe Sahit Tmavës në rastin tragjik që ndodhi sot në Duhël.
“Ky lajm na ka tronditur të gjithëve, ngushëllime familjarëve të rinjve. Leonardi punonte si kamerier në byfen e komunës dhe ishte punëtor dhe një ndër djemtë më të mirë që kishim. Ngushëllime!” thuhet në telegramin e ngushëllimit nga Kryetari Ahmeti.
Tre personat që mbetën të vdekur janë S.T viti i lindjes 1996, L.R viti i lindjes 1998 dhe V.H viti i lindjes 1999.
Vlen të theksohet se ky është aksidenti i dytë që nga ndodhur brenda disa muajve në Duhël.
Gjatë verës një familje pesëanëtarëshe nga Suhareka është shuar nga aksidenti në rrugën e njëjtë.
Ata kishin ardhur për pushime në Kosovë nga Zvicra dhe vetura me të cilën ishin aksidentuar, ishte e marrë me qira.
