6 minuta më parëOsmani: Djegia e fëmijëve të Kosovës për së gjalli, është e vërteta e Serbisë
Periskopi(2 vite më parë)
(2 vite më parë)Presidentja e Kosovës, Vjosa Osmani, në përvjetorin e vrasjes makabre në familjen Vejsa, ka kujtuar humbjen e jetëve të qytetarëve të pa mbrojtur të Gjakovës në mes të ditëve 1 e 2 prill 1999. “Emrat e fëmijëve dhe grave martire të familjeve: Vejsa, Caka, Haxhiavdija, Nuqi, Hoxha dhe Gashi nga Gjakova, janë kujtim i përhershëm […]
“Emrat e fëmijëve dhe grave martire të familjeve: Vejsa, Caka, Haxhiavdija, Nuqi, Hoxha dhe Gashi nga Gjakova, janë kujtim i përhershëm dhe dëshmojnë rrugën e vështirë të aspiratave tona për liri e shtet. 25-vjet më parë, regjimi gjenocidal serb, egërsinë e manifestoi kur vrau e pastaj dogji në bodrumin e shtëpisë së familjes Vejsa anëtarët e këtyre familjeve nga mosha 2 e deri në atë 75 vjeçe”, ka shkruar Osmani.
Osmani ka shkruar po ashtu se djegia e fëmijëve të Kosovës për së gjalli është e vërteta e Serbisë, e cila edhe sot vazhdon t’i mbrojë kriminelët që kryen këto krime makabre me qëllim të qartë gjenocidal. Duke mbajtur gjallë kujtimin për ta, do ta vazhdojmë betejën për drejtësi.
“Qoftë i përhershëm kujtimi për të gjithë të rënët për liri!”, ka theksuar ajo.
