Incidenti: Ky ishte momenti kur Nol Nushi i qepon me ujë Tomë Gashit (Video)

U thanë versione të ndryshme se çfarë ndodhi mbrëmjen e 5 majit mes avokatit Tomë Gashi dhe zyrtarit të PSD-së Nol Nushi që kishin pasë një debat të ashpër në studion e radiotelevizionit publik. U përmend edhe një përplasje fizike mes tyre, jashtë studios.

Indeksonline ka siguruar një video që tregon momentin kur Nol Nushi i hedh ujë në fytyrë avokatit Tomë Gashi, ku siç mund të kuptohet nga këto pamje e gjithë kjo ngjarje kishte ndodhur pasi kishte përfunduar emisioni.

Pas këtij incidenti, vetë Nushi e kishte pranuar se i ka hedhur ujë avokatit Gashi me të cilin ishte përplasur paraprakisht ashpër në debat. Ai kishte deklaruar se një gjë të tillë e ka provokuar Gashi duke e ofenduar rëndë.

“Është e vërtetë deklarata e Milaim Zekës se e kam gjuajtur me ujë Tomën, pasi jam ofenduar tepër rëndë. Jam sjell konform situatës. Besoj se të gjithë dëshmitarët e kanë parë se sa rëndë jam ofenduar. Nuk kam çfarë të shtoj pos asaj që shihet se çfarë zelli kanë marrë militantët e Vetëvendosjes ndaj neve. Kush më njeh e di që unë nuk jam person që rrihem. Për Tomën nuk kam çfarë të them, pasi dihet se si ai është sjellë me lypësin në shesh”, kishte deklaruar ai në RTV Dukagjini.

Por, të dy e kishin mohuar se ka pasë një përleshje fizike mes tyre jashtë studios televizive.

“Pas debatit kemi vazhduar njëjtë debatin. Nuk ka pasur rrahje”, kishte thënë Gashi po në RTV Dukagjini, duke shtuar se ndonëse Nushi i ka hedhur ujë fytyrës, ai nuk e konsideron një veprim të tillë si sulm./

https://www.facebook.com/IndeksonlineOfficial/videos/836488373426910/