Isa Mustafa: Për ne, interesi i shtetit është parësor – Në zgjedhje do të jemi të parët

Mustafa tha se LDK i ka shërbyer Kosovës në shumë çështje, në dhënien e veprimtarëve gjatë luftës së fundit në Kosovë, në pavarësinë e shtetit më 2008 si dhe në stabilitetin e vendit, shkruan Periskopi.

Ai përmes platformës ‘Zoom”, tha se në zgjedhjet që do të mbahen në vitin e ardhshëm LDK do të hyjë më bindjen se do të dalë e para, më mbështjetjen e sovranit.

“LDK gjithmonë ka vënë interesin për shtetin përpara. LDK-ja është e gatshme të sprovohet me subjektet e tjera në zgjedhjet demokratike, sepse për ne zëri i sovranit është më i rëndësishmi. Ne do të hyjmë në zgjedhje me bindjen se do të kemi mbështetjen e qytetarëve, se do të jemi parti e parë”, u shpreh Mustafa.

Më tutje ai theksoi se LDK-ja është subjekti i parë anti-komunist dhe shkollë e mendimit demokratik.

“Lidhja Demokratike e Kosovës është subjekti i parë anti-komunist në këtë pjesë të rajonit juglindor. Ibrahim Rugova, lider karizmatik, hapi dyert e kancelarive më të mëdha të botës, duke shndërruar rastin e Kosovës në çështje ndërkombëtare. Ka luajtur rol në stabilitetin e vendit dhe për interest e shtetit. LDK gjithmonë ka vënë interesin për shtetin përpara. LDK-ja është e gatshme të sprovohet me subjektet e tjera në zgjedhjet demokratike, sepse për ne zëri i sovranit është më i rëndësishmi. Ne do të hyjmë në zgjedhje me bindjen se do të kemi mbështetjen e qytetarëve, se do të jemi parti e parë. LDK do të angazhohet me tërë kapacitetin e saj për integrimin e plotë të Kosovës në NATO dhe në organizatat e tjera ndërkombëtare. LDK është shkollë unike e mendimit demokratik”, deklaroi ai./Periskopi/