3 minuta më parëJasharaj përgjigje ‘solidaritetit’ të prindërve: Nuk kemi nevojë për lëmoshën tuaj, por bëni presion Qeverisë për pagat
Periskopi(4 vite më parë)
(4 vite më parë)Greva, pezullimi i saj e mosekzekutimi i pagave për mësimdhënësit ka krijuar tensione edhe mes SBASHK’ut e Këshillit të Prindërve. Këta të fundit, ndonëse fillimisht të heshtur, mbrëmë vonë kanë bërë një reagim, ku përmes një solidariteti thanë se janë të gatshëm të mbledhin fonde për mësuesit, nëse nuk u ekzekutohen pagat e shtatorit. Këtë […]
Solidaritetit të Këshillit të Prindërve, kreu i SBSHK’ut ia jep një përgjigje. Jasharaj u kërkon atyre të bëjnë presion drejt Qeverisë, madje duke i akuzuar për qasje selektive në këtë mes.
‘’Unë besoj se prindërit më shumë se sa kjo duhet të bëjnë presion direkt mbi qeverinë sepse ajo ka goditur vetëm sektorin e arsimit. Prindërit tërë angazhimin dhe mllefin duhet ta drejtojnë kah qeveria sepse njëra nga arsyet pse u pezullua greva ishte pikërisht se po dëmtoheshin nxënësit dhe prindërit, sidomos ata që kanë të bëjnë me çerdhe. Qeveria na goditi pas shpine duke na ndëshkuar.’’, tha ai për Periskopin.
Tutje Jasharaj ua rikujton prindërve se grevën e ndërprenë hatri i fëmijëve por edhe të vet nevojave të tyre.
‘’Një pjesë e prindërve, qoftë në mënyrë të organizuar apo të pa organizuar, gjatë tërë muajit nuk kanë qenë shumë me punëtorë të arsimit, kanë pasë deklarata të pamatura, e herë të pamatura siç ishte ajo do të çregjistrojmë fëmijët, ishte presion direkt dhe po them se mësimdhënësit nuk kanë nevojë për lëmoshë, por për drejtësi dhe prindërit duhet të jenë kategori dhe të kërkojnë nga qeveria që të ekzekutohen pagat sepse buxheti atje nuk është i Muratit por i mbledhur nga djersa e të punësuarve të sektorit publik dhe privat. Nuk është zgjidhje mbledhja e pareve sepse shumë nga prindërit do dalin të krekosen e të thojnë se ne mblodhëm pare që ju të punoni, duhet të punoni se me paret tona i keni pagat’’.
‘’ Nuk është zgjedhje. Gjatë grevës, një pjesë e tyre nuk janë treguar dashamirës e mbrojtës të mësueve, e tash nuk e di si po ndihen ata. Madje na kishin bërë një pyetje, a po ndiheni krenarë etj etj. Unë nuk e di një pjesë e prindërve me gjitha ato presione, si po ndihen tani kur i marrin përdore fëmijë dhe ua dorëzojnë nën kujdes mësuesve që i fyen dhe ju bënë presion.’’, shtoi Jasharaj.
Përmes një postimi në Facebook, Këshilli i Prindërve ka thënë se revolta e tyre ishte për hapjen e çerdheve dhe shkollave dhe jo për t’i poshtëruar mësimdhënësit.
Ndërsa ministrja e Arsimit, Arbërie Nagavci sot doli me një postim, përmes së cilit ua hedh fajin komunave për mos dërgim të listave të pagave drejt Thesarit të Shtetit./PERISKOPI/
