“Jo të gjithë janë të liruar…”, Sekretari i zyrës ndërlidhëse të Kosovës në Beograd flet për Periskopin

Sekretari i zyrës ndërlidhëse të Kosovës në Beograd, Fatmir Haxholli ka reaguar pas raportimeve se janë liruar udhëtarët e bllokuar në kufirin mes Serbisë dhe Kroaci.

Haxholli ka thënë se jo të gjithë kosovarët e ndaluar janë liruar nga autoritetet serbe.

Në një prononcim të shkurtë për Periskopin, Haxholli ka bërë thirrje që të mos raportohet për zhvillime ende të papërmbyllura.

Ai thotë se një numër i kosovarëve të ndaluar atje, ende nuk janë liruar.

“Jo të gjithë janë liruar… për pak MPJ do të dalë me një njoftim”, tha Haxholli për Periskopin.

Haxholli ka reaguar gjithashtu edhe në profilin e tij në Facebook, ku ka thënë se “unë duhet të jem i fundit që dalë nga stacioni policor kufitar në Batrovc, dhe kjo ende nuk ka ndodh.”

“Në funksion të mbrojtjes së interesit institucional, interesit publik dhe interesit qytetarë, i ftoj publikisht mediat, që të mos konfirmojnë zhvillime ta përmbyllura. Unë duhet të jem i fundit që dalë nga stacioni policor kufitar në Batrovc, dhe kjo ende nuk ka ndodh. Kur ky është rasti, për çfardo, do të ketë komunikim nga MPJD!”, ka shkruar ai.