Kandidati i VV-së në Obiliq dhe mbështetësit e tij rrahin rëndë disa persona

Periskopi.com Lajme

Një rrahje mes disa personave ka ndodhur sonte në komunën e Obliqit. Paparaci ka mësuar se kandidati i Lëvizjes Vetëvendosje, Halil Thaqi i ka prirë një sulmi fizik kundër kundërshtarëve politik të iniciativës qytetare të Xhafer Gashit.

Sipas burimeve të Paparacit, Fehim Mjekiqi ka sulmuar fizikisht Shaban Hashanin, burrin e drejtoreshës së ambientit të komunës së Obiliqit, Fitore Hashani.

Të njëjtat burime kanë treguar për Paparacin se Shaban Hashani për shkak të lëndimeve që ka marrë është duke u trajtuar në Qendrën e Mjeksisë Familjare ne Obiliq.

Por, Hashani nuk është i vetmi që e ka pësuar nga kjo përleshje.

Burimet e Paparacit kanë njoftuar se djemt e kryetarit të Veteranëve të Obiliqit, Fehim Mjekiqi, e kanë sulmuar fizikisht kryetarin e nëndegës së IQB në Hade, Fanol Shalakun.

Shalaku siç njoftojnë burimet ka pësuar lëndime të rënda dhe ndodhet në QKUK për trajtim mjekësor.

Paparaci ka mësuar se Policia e Obiliqit ka kërkuar ndihmë për shkak se grupi që ka rrahua, Hashanin e Shalakun, paraqesin rrezikshmëri të lartë.

Sipas burimeve ky grup po udhëhiqet nga Halil Thaqi me vëllezër.

Paparaci ka kontaktuar me Policinë e Kosovës dhe është në pritje të përgjigjes së tyre.