Kandidati i VV’së në Rahovec thyen heshtjen zgjedhore: Bën të ditur se Kurti po bënë fushatë atje
Kandidati për kryetar të Rahovecit në radhët e Vetëvendosjes, Visar Korenica në ditën e heshtjes zgjedhore ka vendosur të bëjë fushatë.
Korenica përmes një postimi në Facebook ka bërë të ditur se së bashku me kryeministrin Kurti duket se nuk shqetësohet shumë për heshtjen zgjedhore dhe po vazhdojnë fushatën, përcjell Periskopi.
Kryeministri Kurti gjatë ditës është parë duke bërë fushatë edhe në Prizren me kandidatin për Kryetar, Mytaher Haskuka.
Postimi i plotë:
Kryeministri Albin Kurti në Rahovec e ka konakun!
Kisha kënaqësië të pres në Rahovec me bartësin e listës, Leonard Morina – Kryeministrin e Kosovës, Albin Kurti.
Së bashku shijuam bukurinë e vjeshtës rahoveciane para procesit vendimtar elektoral që mbahet të dielën.
Përgëzova kryeministrin për punën e shkëlqyer në qeverisjen e vendit, duke mbetur të përkushtuar në ç’rrënjosjen e krimit dhe korrupsionit, e të vendosur për ta zhvilluar vendin.
Faleminderit Kryeministër!
