Komenti skandaloz i dekanit të kolegjit AAB për Zana Avdiun

Dekani i Fakultetit të Psikologjisë në Kolegjin AAB,  Naim Telaku, i është bashkuar masës linçuese kosovare ndaj aktivistes Zana Avdiu.

“Nese doni ta kuptoni Zanen lexojeni Kompleksin e Elektras se Sigmund Freud. Zana është ilustrim perfekt i ketij kompleksi aka penis envy”, shkruan ai.

Kompleksi Elektra në pika të shkurtra

Ky kompleks, është një term psikanalizues që përdoret për të përshkruar ndjenjën e konkurrencës së një vajze me nënën e saj për simpatitë e babait të saj.

Kjo teori psikanalitike, është zhvilluar nga Sigmund Freud ndërkaq termi ‘penis envy’ që përdorë dekani i AAB-së, përshkruan ‘një fazë të teorisë së Freud’ në të cilën ‘vajzat e reja përjetojnë ankth për faktin që nuk kanë penis’.

Ndaj komentit skandaloz të Naim Telakut, dekan në AAB, ka reagime të ashpra, mes tyre, edhe ky i Agon Maliqit, i cili thotë se ‘në çdo vend normal, një person i tillë do të shkarkohej nga të gjitha funksionet’.

“Në çfarëdo vendi normal, ky njeri do të ishte shkaruar brenda ditës prej të gjitha këtyre funksioneve. Por ky nuk është as për së afërmi vend normal, kështu që këtë tipin me shumë gjasë e presin emërime në funksione edhe më të larta”, shkruan Maliqi, përcjell Periskopi.

Natyra Kuçi (PSD), ndaj një shkrimi të tillë skandaloz si ky i Telakut, shkruan kështu:

“Mos me qene Zana-t, qifti i ketij psikologu mbetet pa u shpalos per ate cfare eshte- imbecil, seksit!”./PERISKOPI