2 minuta më parëKonjufca thyen heshtjen: Molliqaj ka 24-orë afat të faktojë me dokument nëse kam qenë pjesë e SHIK’ut
Periskopi(7 vite më parë)
(7 vite më parë)Deputeti i PSD’së, Dardan Molliqaj sot ka paraqitur disa fakte të tjera gjatë seancës së Kuvendit, ku thotë se Glauk Konjufca i Vetëvendosjes ishte pjesë e SHIK’ut për një vit të tërë. Përkundër kësaj, Konjufca zgjodhi që në Kuvend të mos e qesë as edhe një fjalë të vetme si kundërpërgjigje, shkruan Periskopi. Megjithatë, Konjufca është […]
Megjithatë, Konjufca është deklaruar jashtë sallës së Kuvendit. Ai sërish ka mohuar pretendimet e Molliqajt, ndërkohë i ka kërkuar që fjalët e thëna t’i faktojë në mënyrë të dokumentuar brenda 24-orëve, ose t’i kërkojë falje.
“Unë kurrë nuk kam qenë në SHIK dhe as kam punuar kurrë në të. Ky i sotshmi ishte një film shumë i dobët fatastiko-shkencor i Molliqajt. Ai gënjeu sërish meqë para pak ditësh premtoi me shumë bujë nxjerrjen e “dokumenteve” kundër meje, kurse sot ra në nivelin e llafeve “me të dëgjuar”. Dardani definitivisht nuk po e kuptoka se çka është dokumenti si i tillë. Ky person është shumë joserioz dhe gjynah për Kuvendin që është deputet. Sidoqoftë, po ia jap edhe 24 orë afat për të nxjerrë çfarëdo “dokumenti”, qoftë bre edhe dokument të fallsifikuar. Nëse deri nesër në orën 16 nuk qet asnjë fakt, atëherë definitivisht pres të më kerkojë falje”, është shprehur ai.”, ka thënë shefi i GP të VV’së për Express.
Deputeti i Partisë Socialdemokrate, Dardan Molliqaj ka thënë se Glauk Konjuca, ka shërbyer në Shërbimin Informativ të Kosovës në vitin 2000 dhe 2001 dhe se rekrutimin e tij e kishte bërë Fadil Lepaja. Molliqaj ka thënë se paga që ka marrë Konjufca ka qenë 150 marka.
Këto, Molliqaj i ka thënë në seancën plenare të së premtes, gjatë deklarimeve jashtë rendit të ditës, që sipas tij, Konjufca ka dalë nga SHIK-u për shkak të pagës së ulët.
Molliqaj ka thënë se tani Glauk Konjufca me bashkëpunëtorë po hezitojnë të ballafaqohen me të vërtetën.
“Viti në të cilin Glauk Konjufca ka shërbyer në SHIK ka qenë viti 2000 – 2001, paga është 150 marka, rekrutimin e ka bërë Fadil Lepaja, sektori në të cilin ka punuar është përpunimi i të dhënave. Vet letrat që kanë ardhë nga terreni, një prej letrave të cilën Glauku e kishte ndarë më neve si histori ishte edhe të dhënat që vinin nga Lugina e Preshevës kush ku po ndalet dhe të gjitha ato letra që vinin me shkrim të dorës, Glauku me kolegë të tjerë i përpunonin dhe i fusnin në të dhënat e SHIK-ut. Arsyeja e largimit të Glaukut nga SHIK-u ishte paga e ulët. Këto dhe shumë fakte të tjera tregojnë që Glauk Konjufca ka qenë zyrtar në strukturat e Shërbimit Informativ të Kosovës”, tha ai
Molliqaj ka thënë se nuk e ka problem që dikush ka qenë në SHIK, ai ka shtuar se beson që SHIK-u si organizatë ka kryer veprime kriminale, por nuk beson që secili njeri në SHIK ka bërë diçka në tillë.
“Glauk nuk të shpëton Kadria e di që po sillet sikur shefi yt, po të mbron edhe kur po del në emisione, Glauk nuk të shpëtojnë as njerëzit e tjerë të SHIK-ut, të shpëton vetëm e vërteta”, tha ai.
Molliqaj ka thënë se dikush që akuzon dikë, ndërkohë që vet ka qenë pjesë, është hipokrizi./PERISKOPI/
