Kosova renditet e 54-ta në sundimin e Ligjit, Veseli e quan lajm të mirë

Kryetari i Partisë Demokratike të Kosovës, Kadri Veseli, ka mirëpritur raportin e organizatës Ëorld Justice Project i cili e ka renditur Kosovën në vendin e 54 në fushën e sundimit të ligjit.

Veseli ka thënë se pavarësisht sfidave të jashtëzakonshme sic është rindërtimi pas shkatërrimit nga lufta, Kosova ka arritur shumë në pak kohë sa i përket sundimit të ligjit, përcjell Periskopi.

Postimi i Veselit:

Një lajm i mirë për Kosovën është renditja e favorshme e Kosovës në raportin e fundit të Indeksimit të Sundimit të Ligjit të saponxjerrë prej organizatës prestigjioze Ëorld Justice Project. Ky raport mat performancën e sundimit të ligjit në 128 vende dhe e vendos Kosovën në vendin e 54-ët. Ajo që vlen të përmendet është se Kosova renditet e dyta mes vendeve të rajonit të Evropës Lindore dhe Azisë Qendrore, duke lënë pas vende të tjera që kanë më shumë vite ekzistencë si shtet dhe e kanë nisur më herët tranzicionin demokratik.

Pavarësisht sfidave të jashtëzakonshme të rindërtimit prej shkatërrimeve të luftës, shtet-ndërtimit dhe pengesave në arenën ndërkombëtare, Kosova ka mundur të arrij shumë në shumë pak kohë për sa i përket sundimit të ligjit. Ky indikator vlen veçanërisht si demantim ndaj atyre zërave nihilist në Kosovë, që mohojnë çdo arritje e progres që ka bërë vendin ynë, e nuk humbasin rast për ta njollosur e dëmtuar pa të drejtë reputacionin e shtetit tonë. Nuk ka dyshim që Kosova ka ende rrugë të gjatë për të bërë në sundimin e ligjit, mund të eci përpara edhe më shumë në luftën kundër korrupsionit, megjithatë është e ulët që të mohoen sukseset e deritanishme që me aq sakrificë i kemi mundësuar.