Krerët e Listës Serbe bëjnë thirrje për tensionim të situatës në veri, i kërkojnë ndihmë edhe Vucicit
Drejtuesit e Listës Serbe kanë udhëtuar drejt Jarinjes, pas situatës së krijuar në nisjen e vendosjes së reciprocitetit me Serbinë për targat e automjeteve.
Qytetarëve serbë të cilët po protestojnë kundër këtij vendimi iu është bashkuar edhe kryetari i Listës Serbe, Goran Rakic si dhe kryetarët e komunave, Leposavic dhe ai i Mitrovicës së Veriut.
Rakiq i bëri thirrje presidentit serb, Aleksandar Vucic të ndihmojë njerëzit dhe të reagojë në përputhje me mundësitë.
“Unë i bëj thirrje të gjithë atyre që janë mbledhur të përmbahen dhe gjithashtu Prishtinës të mos ngrejë tensione. Ky është një kërcënim i drejtpërdrejtë për njerëzit të cilët janë të shqetësuar se si ti sigurojnë bukë fëmijëve të tyre. Ne gjithashtu informuam të Dërguarin Special për Dialogun, Miroslav Lajçak dhe pyetëm për ndihmën e BE-së. I bëj thirrje presidentit Vucic, të reagojë”, shtoi ai.
Reagim ka pasur edhe nga drejtuesi tjetër i Listës Serbe Slavko Simic i cili e ka quajtur këtë veprim të policisë së Kosovës “veprim force”.
“Qytetarët në veri të Kosovës janë të shqetësuar nga ky demonstrim force”, tha Simic për TV Pink.
