“Kundër faljes së tokave”-Qe çka thoshte dikur Vetëvendosje pas vendimit të Gjykatës Kushtetuese për Manastirin

Në vitin 2016 Qendra e Lëvizjes Vetëvendosje në Deçan e kundërshtonte vendimin e Gjykatës Kushtetuese, madje kishin lëshuar edhe një komunikatë atë kohë me titull “Kundër faljes së tokave Manastirit të Deçanit”

“Qendra e Lëvizjes VETËVENDOSJE! në Deçan kundërshton vendimin e Gjykatës Kushtetuese lidhur me pronat e ndara për manastirin e Deçanit dhe njëherit përkrahë deklaratën e përbashkët kundërshtuese të miratuar me datë 25 maj 2016 në Kuvendin Komunal të Deçanit ku të gjitha subjektet politike bashkarish me Lidhjen e Historianëve nënshkruan zotimin për t’i dalë kundër këtij vendimi. Ky vendim i Gjykatës Kushtetuese është i papranueshëm ngase përveç se shpronëson punëtorët e ndërmarrjeve “Iliria” dhe “Apiko” duke iu referuar legjislacionit të vitit 1997 ku këto prona në mënyrë të dhunshme nën kushte okupimi u bartën në pronësi të Manastirit të Deçanit, legjitimon edhe politikat fashiste, kolonizuese e gjenocidale të Serbisë ndaj Kosovës e shqiptarëve”, thuhej ndër të tjera në njoftimin e tyre.

Madje, duke e quajtur atë kohë vendimin si “absurd” hidhnin akuza ndaj ish-presidentit Thaçi i cili deklaronte se “vendimi bazohet në Kushtetutë“.

“Është e habitshme se si institucione të larta si Gjykata Kushtetuese marrim një vendim për të legjitimuar vendimet e një regjimi që u cilësua si regjim kriminal e gjenocidal nga e gjithë bota në atë kohë.Më pak e habitshme është përkrahja që Hashim Thaçi i bën këtij vendimi duke qenë se për këtë të fundit jemi mësuar që më shumë se një mungesë ndjeshmërie të shohim një gatishmëri të hapur për të japë territore në pushtete lokale brenda e jashtë vendit,” , thuhej tutjr në njoftim.

“Ne si Qendër e Lëvizjes VETËVENDOSJE! në Deçan do ta përkrahim dhe do të jemi pjesë e çdo organizimi lokal dhe qendrorë që vihet në kundërshtim të këtij vendimi absurd të Gjykatës Kushtetuese”.

Kujtojmë se vendimine Kurtit e mirëpriti edhe emisari amerikan, Gabriel Escobar, ambasadori gjerman Joern Rohde dhe Shefi i Zyrës së BE-së në Kosovë, Tomas Szunyog.

“Dua ta përmend sa me rëndësi është vendimi i sotëm për Manastirin. Ishte vendim i vështirë por i nevojshëm dhe i falënderojmë institucionet për gjithë bashkëpunimn”, ka thënë Escobar sot pas takimit me presidenten Osmani.

Rohde pas vendimit të Kurtit për tokën e Manastirit të Deçanit: Moment historik