20 minuta më parëKur do të mbushet mend Edon Zhegrova?
Periskopi(7 vite më parë)
(7 vite më parë)Edon Zhegrova me egoizmin e tij ia mohoi fitoren Kombëtares së Kosovës në ndeshjen kundër Danimarkës Kombëtarja e Kosovës zhvilloi paraqitje fantastike kundër Danimarkës, por që në fund nga një gabim i Zhegrovës bëri që ndeshja të mbyllej me rezultat 2-2, raporton Periskopi. Anësori i Baselit u inkuadrua në fushë me të filluar pjesa e […]
Kombëtarja e Kosovës zhvilloi paraqitje fantastike kundër Danimarkës, por që në fund nga një gabim i Zhegrovës bëri që ndeshja të mbyllej me rezultat 2-2, raporton Periskopi.
Anësori i Baselit u inkuadrua në fushë me të filluar pjesa e dytë duke zëvendësuar Milot Rashicën, i cili pati një 45 minutësh të mirë, por që më pas trajneri vendosi ta pushonte atë për ndeshjen me Bullgarinë.
19 vjeçari që shquhet për ‘paraqitjet’ e tij të shumta në Instagram, sot dështoi që të bëntë një paraqitje të mirë në fushën e futbollit.
Zhegrova me t’u grumbulluar me Kombëtaren e Kosovës gjëja e parë që ka bërë ishte rregullimi i frizurës së re për ndeshjen kundër Danimarkës.
Ai ka postuar disa foto në Instagram ku edhe e ka falenderuar berberin e tij.
Sikur t’i kushtonte rëndësi më shumë futbollit dhe jo rrjeteve sociale ku reklamon makinat luksoze e stilet e flokëve Zhegrova sot do të ishte në një top klub evropian.
Zhegrova për aq sa ishte në fushë sot zhvilloi njërën nga paraqitjet më të dobëta me fanellën e Kosovës. Humbi shumë topa, madje edhe në momente kyçe, që në fund i kushtuan skuadrës.
Gjatë një kundërsulmi të Kosovës kur rezultati ishte 2-1 ai nuk pasoi topin te Lirim Kastrati, i cili do të dilte i vetëm me portier dhe me një gol të mundshëm ndeshja ‘praktikisht’ edhe do të mbyllej pasi nuk kishte edhe shumë minuta për t’u luajtur, shkruan Periskopi.
E gabimin katastrofal 19 vjeçari e bëri në minutën e 91-të ku humbi një top para mbrojtjes dhe danezët ndëshkuan Kosovën duke shënuar gol me anë të Hjojbjerg që barazoi rezultatin në 2-2.
Pas ndeshjes ai u kritikua nga të gjithë për egoizmin që tregoi në fushë, derisa në mbrojtje i doli trajneri Challandes.
”Nuk ishte ndeshja e tij më e mirë, ai humbi shumë topa, por në disa raste ishte i mirë, pasoi topin tek të tjerët”.
”Por megjithatë ai është një talent i madh për të ardhmen dhe ka potencial të madh, nuk duhet t’ia shikojmë vetëm atë gabim. E kuptojmë që nuk është në pozitë shumë të mirë edhe me klubin e tij, me të cilin nuk po luan”, u shpreh Challandes.
Ndryshe, Kosova të hënën më 25 mars luan përsëri në stadiumin Fadil Vokrri, tani përballë Bullgarisë në kuadër të kualifikimeve për EURO 2020. /PERISKOPI/
