Kur Konjufca thoshte: Zgjedhjet e Serbisë në Kosovë janë anti-kushtetuese

“Nuk ka asnjë fije dyshimi se zgjedhjet e Serbisë në Kosovë janë antikushtetuese. Zgjedhjet e Serbisë në Kosovë janë në përputhje vetëm me një kushtetutë, vetëm në përputhje me Kushtetutën e Serbisë, sepse aty Kosova është pjesë e territorit të Serbisë, parashihet që Kosova është pjesë e Serbisë dhe kjo është arsyeja që po i mban zgjedhjet edhe në territorin e Kosovës”, kishte thënë Konjufca.

Ndërsa, kryeministri Albin Kurti gjatë ditës së djeshme, ndonëse përmendi Kushtetutën e sovranitetin, theksoi se serbëve nuk do u pengohet e drejta për të votuar.

‘’“Dëshirojmë që në Kosovë të respektohet Kushtetuta, ligji dhe Rezoluta e 15 janarit dhe nuk duam t’ia pamundësojmë qytetarëve të Kosovës që mund të kenë edhe pasaportë të Serbisë të drejtën e tyre të votës. Mund të ketë dikush qe dëshiron destabilizim, ekscese, incidente, mirëpo këtë nuk do ta gjeni në radhët e popullit të Kosovës dhe as të institucioneve të Republikës. Kemi nevojë për paqe në Ballkanin Perëndimor dhe dita e 3 prillit nuk besoj që të do të jetë ndryshe ”, ka thënë Kurti dje.

Fjalë të mëdha kundër mbajtjes së zgjedhjeve serbe më 3 prill dha edhe presidentja e Kosovës, Vjosa Osmani./PERISKOPI/