Kurti: Ajo çka në opinionin publik vlerësohej si prishje me raportet me jashtë, në raport vlerësohet si progres
Kryeministri në detyrë, Albin Kurti tha se raporti sivjet është pozitiv pothuajse në të gjitha fushat.
Ai tha se nuk ka pasur asnjë kthim mbrapa. Ai tha se ka pasur progres në 35 fusha. Kurti theksoi se Raporti vlerëson afrimin me Be-në si sanksionet ndaj Rusisë.
“Ajo qe në opinionin publik vlerësohej si kolaps ekonomik në raport po vlerësohet si zhvillim ekonomik.”, tha mes të tjerash Kurti.
Kryeministri në detyrë tha se ajo qe në opinionin publik thuhej se është lëmoshë në raport vlerësohet si politikë sociale.
“Ajo çka në opinionin publik vlerësohej si prishje me raportet me jashtë, në raport vlerësohet si progres”.
“Te pjesa e lirisë së shprehjes është vlerësuar se në Kosovë ka pluralizëm mediatik”, teksa theksoi se në raport thuhet se ka pasur shqetësime për dezinformim në media.
