Kurti bisedon me Scholz: Rikonfirmova angazhimin për zbatimin e plotë të Marrëveshjes Bazike
Kryeministri i Kosovës, Albin Kurti, ka biseduar me kancelarin gjerman, Olaf Scholz.
Kurti ka bërë të ditur se gjatë bisedës i ka shprehur mirënjohjen për mbështetjen e palëkundur të Gjermanisë për Kosovën për anëtarësim në KiE.
Gjithashtu, Kurti tha se ia ka rikonfirmuar angazhimin e Qeverisë për zbatimin e plotë të Marrëveshjes Bazike
“Në një telefonatë me kancelarin gjerman Scholz i shpreha mirënjohjen për mbështetjen e palëkundur të Gjermanisë për Kosovën dhe nënvizova shpresën se Gjermania do ta mbështesë kandidaturën tonë për anëtarësim në KiE në përputhje me rekomandimet e PACE”, ka shkruar Kurti në X.
Kurti, dy ditë më parë ka vizituar Gjermaninë, ku u prit atje në takim nga Ministrja e Jashtme e Republikës Federale të Gjermanisë, Annalena Baerbock.