Kurti i lë në “lloq” opozitën e Maqedonisë së Veriut, anulon pjesëmarrjen në tubimin në Berlin
Bekim Qoku Këshilltar i Jashtëm Politik të Kryeministrit Albin Kurti për marrëdhëniet me Maqedoninë e Veriut dhe kandidat për deputet, ka publikuar “posterin” e opozitës në Maqedoninë e Veriut për një tubim me mërgatën në Berlin. Ajo çfarë bie në sy është që për dallim nga postimi i kaluar, këtë herë nga njoftimi është larguar kryeministri i Kosovës, Albin Kurti.
Pra Kurti s’pritet që të marrë pjesë në tubimin e sotëm në Berlin.
“Takim me mërgatën shqiptare në Berlin. Mërgata jonë është e njësuar dhe pa kufij të imponuar. Mezi kemi pritur dhe ende presim “ndërhyrjen” e saj në çdo kohë, në të gjitha trojet shqiptare”, ka shkruar Qoku.
Ditë më parë një nga faqet e opozitës në internet ishte njoftuar edhe pjesëmarrja e kryeministrit Albin Kurti.
“Ata i trishton hija e Albinit, e leje mo Prezenca. Albin Kurti bashk me liderët e VLEN më 11.04 e Premte në Berlin. MERGATA VLEN”, thuhej në njoftimin e bërë publik me 12 prill.
Sidoqoftë, figura të opozitës atje tashmë kanë shkuar në kryeqytetin gjerman. Gjatë ditës kane bërë postime brenda një xhamie.
Sipas paralajmërimeve në tubim do të marrin pjesë kandidati për president Arben Taravari, Bilall Kasami, Afrim Gashi, Izet Mexhiti dhe Bekim Qoku.
Takim me mërgatën shqiptare në Berlin. Mërgata jonë është e njësuar dhe pa kufij të imponuar. Mezi kemi pritur dhe ende presim “ndërhyrjen” e saj në çdo kohë, në të gjitha trojet shqiptare.
Posted by Bekim Qoku on Friday, April 19, 2024
🕌Për namazin e Xhumasë në 🇩🇪Berlin bashkërisht me presidentin e ardhshëm, Arben Taravari!
ps/ shihemi sonte në Tubimin e madh në Grand Gala, Altonaer Str. 77, 13581 Berlin, ora 22:30 ✅
Posted by Bilall Kasami on Friday, April 19, 2024
