Kurti takohet me aktivistë të shoqërisë civile të Serbisë

Periskopi.com Lajme

Kryeministri i Kosovës, Albin Kurti është takuar me pjesëtarë të shoqërisë civlive dhe aktivistë e gazetarë nga Serbia.

Kurti atyre iu tha se dialogu me Serbinë ka ndryshuar pas ndryshimeve që ndodhën në Kosovë me 14 shkurt duke nënkuptuar fitoren e partisë së tij.

Tani dialogu nuk është i kornizuar në kohë dhe ka në qendër njohjen e ndërsjellë, e jo siç është zhvilluar në të kaluarën me kompromise të vazhdueshme nga Kosova, që bëheshin për të marrë njohjen nga Serbia dhe njohja nuk ndodhi.”, ka thënë ndër të tjera Kurti para tyre.

“Sa i përket mospërfshirjes së Kosovës në projektin Ballkani i Hapur, kryeministri Kurti tha se nuk është përkrahës i ideve, që e mbajnë Ballkanin Perëndimor të mbyllur në rrethin e vet apo që e afrojnë më shumë me Rusinë dhe Kinën, por është për projekte që e hapin dhe e lidhin me vlerat e Bashkimit Evropian.”, citohet të ket thënë Kurti.

Përveç Kurtit, edhe kryeparlamentari Glauk Konjufca ka pritur këtë grup të aktivistëve të shoqërisë civile nga Serbia.