Kurti thyen heshtjen duke lobuar për Haskukën në Prizren, eskorta e tij bllokon rrugën kryesore (Video)

Në ditën e heshtjes zgjedhore, kryeministri Kurti që është edhe kryetar i Lëvizjes Vetëvendosje duket se nuk shqetësohet shumë dhe po vazhdon fushatën.

I shoqëruar nga një eskortë njerëzish dhe nga kryetari aktual i Prizrenit, Haskuka kanë lëvizur nëpër rrugë dhe lokale të qytetit duke takuar njerëz.

Ai po bën gjithëcka për Haskukën, mbështetja e të cilit ka rënë javëve të fundit edhe ne sondazhe.

Madje ai nuk ka qarë kokën që eskorta e tij e policisë ta bllokoj për disa orë rrugën kryesore të qytetit të Prizrenit duke shkaktuar tollovi për qytetarët në trafik.

Në një video dërguar nga qytetarët vërehet qartë kolona e madhe e veturave.

Në fotot e shpërndara edhe nga mediat lokale dhe në rrjetet sociale, Kurti shihet në shoqërimin e Haskukës dhe deputetes boshnjake, Duda Balje.

Ndërsa zëvendësministri i Ministrit të Zhvillimit Lokal nga radhët e boshnjakëve, ka postuar foto me Kurtin dhe zyrtarë të lartë të VVsë në Prizren duke shënuar ‘ka filluar festa në Prizren”.