LAJMI I FUNDIT: Lirohen kosovarët e ndaluar në kufirin Serbi-Kroaci

Janë liruar kosovarët të cilët janë ndaluar për më shumë se 18 orë në pikën kufitare Serbi – Kroaci, shkruan Periskopi.

Lajmin e kanë konfirmuar për Periskopin nga Agjensia “Kodra Tours”.

Ata thanë që tani të gjithë autobusat si dhe veturat janë liruar.

“Po qe 15 minuta jemi liruar. Janë duke qarkulluar vetura, autobusat të gjithë”, thonë nga kjo agjensi për Periskopin.

Gjatë gjithë kësaj kohe, disa prej qytetarëve të ndaluar janë marrë në pyetje nga autoritetet serbe për “verifikim”.

Ndalimi i tyre ka nxitur reagime të shumta.

Sipas, Kryeministrit Albin Kurti me këto veprime Serbia po hakmerret ndaj votimit të Asamblesë Parlamentare të Këshillit të Evropës që i hap rrugë anëtarësimit të Kosovës në këtë organizatë.

Edhe Bashkimi Evropian ka thënë se Serbia shkeli Marrëveshjen e Lëvizjes së Lirë./Periskopi

Reagon BE-ja: Serbia shkeli marrëveshjen për lëvizjen e lirë, i bëjmë thirrje të përmbahet nga veprime të tilla

“Na thanë kemi urdhër nga nalt”- Nga kompania kosovare e autobusëve japin detaje për gjendjen në kufirin Serbi-Kroaci