Lavde VV’së – ‘Kosova tokë e manastireve madhështore ortodokse serbe’: Kush e porositi artikullin famkeq?

Revista franceze që promovon guida turistike dhe prezanton vende për t’u vizituar, me financim të shtetit ka publikuar një artikull për Kosovën ku, pos tjerash, thuhet se Kosova “gjithashtu ka qenë një tokë bizantine ku lindën manastiret e saj madhështore ortodokse serbe”.

Në këtë artikull të sponsorizuar nga Agjencia Kosovare për Promovimin e Investimeve (KIESA), Kosova paraqitet si vend i lashtë, por nuk kuptohet qëllimi i qeverisë e cila në këtë artikull të sponsorizuar e paraqet Kosovën vend ku lindën kishat ortodokse serbe.

Por, duket që artikulli nuk është shkruar nga KIESA, ani pse mbanë logon e saj. Artikulli dukët të jetë i sponsorizuar nga Lëvizja Vetëvendosje. Kjo pasi aty është propaganduar dhe thurur lavde edhe partinë e Albin Kurtit.

“Sipas Fondit Monetar Ndërkombëtar, Kosova ishte vendi më i varfër i Evropës më 2021. Mirëpo, një erë shprese ka fryrë në Kosovë pas zgjedhjeve, në shkurt të vitit 2021, të një shumice të re parlamentare të drejtuar nga partia “Vetëvendosje”. I lindur nga një iniciativë qytetare, ky formacion polik më në fund synon të trajtojë problemet kryesore të vendit, të luftojë pabarazitë dhe të gjenerojë rritje”, thuhet në artikull, raporton Periskopi.

Por, skandali i raportit ka të bëjë më atë se Kosova është prezantuar si një tokë nga ku ku u lindën manastiret e saj madhështore ortodokse serbe.

“Njerëzit e parë më pak se 9000 vjet më parë.  Megjithatë, historia e këtij kombi të vogël në ndërtim është e pasur dhe komplekse.  Sepse Kosova ka pritur në tokën e saj aq shumë popuj dhe ushtri, nga fiset paleo-ballkanike të neolitit e deri tek ushtarët amerikanë të NATO-s.  Ajo gjithashtu ka qenë një tokë bizantine ku lindën manastiret e saj madhështore ortodokse serbe.  Sot, përderisa flamuri amerikan valon pothuajse kudo në Kosovë, kjo është për shkak se të parat janë Shtetet e Bashkuara ato që e mbështetën krijimin e shtetit të Kosovës, në vitin 1998. Ky komb i ri është në (ri)ndërtim të plotë.  Sipas Fondit Monetar Ndërkombëtar, Kosova ishte vendi më i varfër në Evropë në vitin 2021. Por një  shprese frynë mbi Kosovë nga zgjedhjet e shkurtit”, thuhet në këtë artikull në faqen 95 të revistës “Petit Fute”.

Periskopi ka mësuar se artikulli i publikuar ka shkaktuar tërmet brenda Qeverisë së Kosovës, ku i gjithë faji ka rënë mbi ministren e Tregtisë dhe Industrisë, Rozeta Hajdari.

Burimet tona bëjnë të ditur se kryeministri pritet të marrë masa ndaj ministres Hajdari, pasi artikulli është publikuar nga Agjencia që është nën ombrellën e kësaj ministrie. /Periskopi/

Lexo edhe:

Artikulli i sponsorizuar nga Qeveria: “Kosova një tokë ku lindën manastiret madhështore ortodokse serbe”