Liburn Aliu konfirmon hulumtimin e Periskopit: Po e auditojmë tenderin e autostradës

Periskopi ka raportuar se një tender 16 milionësh për mirëmbajtjen e dy autostradave, që u menaxhua nga zëvendësministri i MMPHI-së, Hysen Durmishi dhe Nexhat Krasniqi – shef i Prokurimit në këtë ministri, është bërë cak i hetimit të brendshëm në Ministrinë që udhëhiqet nga Liburn Aliu.

Ditë më parë, Periskopi pati raportuar për një tender 16 milionësh, mbi të cilin janë hedhur dyshime për favorizime të njerëzve të afërt me shefin e prokurimit, Nexhat Krasniqi, i cili është shkakruar javën e kaluar.

“Ditën qe ne iniciojmë hetimin e tenderit 16 milionësh ne na dalin përgjigjet”, tha Aliu në T7, duke e arsyetuar aferën e përgjimeve.

Ky tender ishte menaxhuar nga z.Krasniqi dhe zëvendësministri Hysen Durmishi. Dyshimet e kompanive ankuese, ishin se, fituese ishin shpallur kompanitë më të shtrenjta sesa disa oferta që ishin më të lirë.

Periskopi ka mësuar nga burime të mirinformuara në Ministri, se ministri Liburn Aliu ka autorizuar dy auditorë dhe një drejtor departamenti që ta shikojnë tërë procesin e deritashëm të kësaj procedure të prokurimit.

“Aktualisht MMPHI ka dy njësi të auditmit. Kjo pasi dy ministri janë bashkuar në një. Njëra njësi e auditmit është e infrastrukturës dhe tjetra e Mjedisit. Në këtë rast, ministri nuk ka autorizuar vetëm njësinë e infrastrukturës, por e ka dërguar edhe një person nga mjedisi për të audituar këtë procedurë. Behet fjalë për drejtorin e departamentit Luan Sabedinaj dhe dy auditorët e infrastrukturës, Miniere Gashi dhe Ajet Mehmeti”, tha një burim brenda ministrisë për Periskopin.

Ky është shkrimi plotë:

Liburn Aliu aktivizon Njësinë e Hetimeve për tenderin 16 milionësh të Hysen Durmishit