Lladrovci i bie ‘pishman’, nuk i shkon në takim Albin Kurtit
Në anën tjetër, Bordi i Asosacionit të Komunave të Kosovës ju ka bërë thirrje kryetarëve të komunave që të mos marrin pjesë në këtë mbledhje, për shkak se drejtuesit e komunave nuk janë përfshirë nga Kurti në Komitetin që është themeluar për kontrollimin e situatës me COVID-19.
Në këtë mbledhje nuk do të marrë pjesë as Kryetari i Komunës së Drenasit, Ramiz Lladrovci, i cili në një prononcim për lajmi.net ka thënë se do të respektojë kërkesën e AKK-së për mos-pjesëmarrje.
“Po mbrëmë e kam konfirmuar pjesëmarrjen, por nevoja që të jem i pranishëm në mbledhjen e paraparë të Kuvendit dhe pas kërkesës së AKK-së, kërkesë të cilën unë e respektoj, nuk do të marrim pjesë”, ka thënë Lladrovci.
Ai ka bërë të ditur se ka pasur komunikime në grupin e kryetarëve në rrjete sociale, por ka deklaruar se ai personalisht nuk është marrë me to, ndërsa e respekton plotësisht vendimin e AKK-së.
