Lushtaku për gjëmën e djeshme PSD-Polici: Mu krijua përshtypja se u kthye Millosheviqi

Arrestimi i dhunshëm që iu bë dje kreut të PSD-së Dardan Molliqajt dhe anëtarëve tjerë të kësaj partie, u kritikua mjaftë shumë, dhe madje nga shumë figura publike u cilësua si reagim i tepruar nga ana e policisë. Një kritikë të tillë e ka dhënë edhe një nga ish komandantët e UÇK-së me emrin Sami Lushtaku.

Në një prononcim për Periskopin, z. Lushtaku ka thënë se i tërë faji për reagimin në fjalë i takonte Xhelal Sveçlës.

Sveçla është ministër i Punëve të Brendshme në Qeverinë Kurti II.

Më tej, ish kryetari i Skënderajt ka thënë se skena e djeshme krijoj përshtypjen që është kthyer sërish regjimi i Millosheviqit.

“Unë mendoj që turpi më i madh, nejse policia nuk ka faj, por është i ministri Sveçla që kolegët e vet, qytetarët e vetë, qytetarët e Republikës së Kosovës i trajton  në atë mënyrë. Unë mendoj  që as pushteti i Millosheviqit nuk e ka përdorë qat forcë për një aksion simbolik. Unë mendoj që qytetarët e Kosovës kanë të drejtë me protestu. Mendoj që dje ishin pamje trishtuese për mua, të panevojshme, dhe krijuan përshtypjen që është kthyer edhe niherë regjimi i Millosheviqit në Beograd”, ka thënë Lushtaku në një përgjigje për Periksopin.

Ish kreu i UÇK’së, Sami Lushtaku ka komentuar edhe deklaratën e Konjufcës, ku ka përmendur shtyrjen e zgjedhjeve lokale.

Ai tha se e tërë Kosova e di që VV’ja e ka humb besimin dhe kjo është arsyeja që kërkojnë shtyrejn e zgjedhjeve,

“Po besoj që opinion  në Kosovë e di shumë mirë që Vetëvendosja e ka humb besimin, dhe është në rënje e sipër prandaj, ajo e do me çdo kush të i shtyjë zgjedhjet.”/PERISKOPI