Matoshi: Kurti i mbyllur, e ka Përparim Kryeziun me sloganin ‘Tash mashtron Qeveria’

Matoshi për Periskopin ka thënë se Qeveria Kurti të vërtetën zyrtare e transmeton përmes zëdhënësit të Qeverisë, Përparim Kryeziut dhe se nuk ka nevojë për fjalën e lirë dhe media.

“Kjo Qeveri nuk ka më nevojë për fjalën e lirë dhe mediat, sepse ka vetëm një të vërtetë zyrtare që e transmeton Përparim Kryeziu, me idenë: Mjaft ka mashtruar media – tash mashtron Qeveria!?”, ka thënë Matoshi për Periskopin.

Tutje, gazetari Matoshi ka thënë se Kurti po dëshmohet i mbyllur edhe pse ai kishte kritikuar të gjitha qeveritë e kaluara për jotransparencë.

“Kryeministri Kurti gjithmonë i ka akuzu të tjerët për jotransparencë dhe fshehje nga publiku, tash kur është në pushtet po dëshmohet vet i mbyllur.”, theksoi ai.

Ndërkohë, Kryeministri i Kosovës, Albin Kurti në konfernecën e djeshme ka shfaqë dëshirën që të pyetet sa më pak për dialogun me Serbinë.

Kurti iu tha gazetarëve se nëse duan ta kenë atë më shpesh përballë, duhet t’i bëjnë më pak pyetje për dialogun.

“Ju nëse doni më shpesh unë të vij në konferenca për media, besoj që duhet më pak për dialogun, e më shumë për luftimin e krimit dhe korrupsionit”, tha ai.

Deri më tani nuk ka asnjë reagim lidhur me ‘mësimin’ e Kurtit ndaj gazetarëve se çfarë pyetje duhet t’i bëjnë.

Periskopi ka dërguar pyetje edhe në adresë të Asociacionit të Gazetarëve të Kosovës (AGK), për të marrë një qëndrim, por deri më tani nuk kanë kthyer përgjigje./Periskopi/