17 minuta më parëMatoshi: Qeverisë Kurti po i mbaron koha, duhet të bëjë lëvizje të shpejtë për zgjidhjen e çështjes së dinarit
Periskopi(2 vite më parë)
(2 vite më parë)Të enjtën mbahet takimi i radhës në mes drejt gjetjes së një zgjidhjeje për çështjen e dinarit në mes të kryenegociatorëve, Besnik Bislimit dhe Petar Petkoviqit. Zëdhënësi i BE-së Petër Stano bëri të ditur se gjatë takimit do të diskutohet edhe për Asociacionin, por që nuk do të jetë temë kryesore, shkruan Periskopi. Analisti Halil […]
Analisti Halil Matoshi në një deklaratë për Periskopin vlerësoi se Qeverisa e Kosovës duhet të bëjë lëvizje për një zgjidhje të shpejtë për çështjen e dinarit.
“Qeverisë së Kosovës po i mbaron koha, i duhet një lëvizje e shpejtë në drejtim të një zgjidhjeje për Dinarin serb si dhe së paku një hap përpara për Asociacionin, në këmbim te anëtarësimit në Këshillin e Europës”, tha Matoshi për Periskopin.
Ndërsa në lidhje me mbajtjen e zgjedhjeve të parakohëshme, Matoshi tha se qëllimi i kryeministrit Kurti është që të blejë kohë, por një gjë të tillë nuk do ta lejojë bashkësia ndërkombëtare.
“Kurti po preferon zgjedhjet e parakohëshme për të ble kohë por pa këto lëvizje, mendoj se bashkësia ndërkombëtare nuk do t’ia japë dritën e blertë për zgjedhje”, shtoi Matoshi.
Kujtojmë se në takimin e fudnit të mbajtur në Bruksel palët ishin pajtuar që deri më 22 mars të dërgojnë propozimet e tyre për dinarin.
