Mbledhja e KQZ-së, VV thotë se fletëvotime me gabime ka pasur edhe në komuna tjera, PDK nuk pajtohet

Anëtari i VV’së në KQZ, Alban Krasniqi ka thënë se fletëvotime me gabime ka pasur edhe në komuna tjera, jo vetëm në Mitrovicë.

“Jo vetëm në Gjakovë dhe Mitrovicë por edhe në komunat e tjera. Kemi fletëvotime që janë shtypur me gabime edhe me të gjitha komunat ku ka pasur balotazh”, tha ai.

Kryetari i KQZ’së, Kreshnik Radoniqi tha se do të shihen mostrat nëse ka qenë gabimi i njëjtë në printim.

“Raporti është së pari për ne, së dyti është për prokurorinë për shkak se kjo çështje është hapur në prokurori dhe raporti duhet të jetë i detajuar për ne dhe prokurorinë dhe do të shërbejë për PZAP”, tha ai.

Ai shtoi se nuk e di numrin e fletëvotimeve që janë gabim.

Përfaqësuesi i PDK’së, Ilir Krasniqi tha se nuk ka raportime që ka ndodhur kjo edhe në komuna tjera.

“Nuk ka asnjë raportim që diçka e tillë ka ndodhur edhe në një komunë tjetër”, tha ai duke shtuar se ky problem është parë vetëm në Mitrovicë.

Ai u kundërshtua nga Alban Krasniqi i VV’së duke thënë se edhe në Gjakovë ka ndodhur.

Gashi shtoi se procesi i balotazhit në Mitrovicë “është i lënduar dhe integriteti është pothuajse i rrënuar”.

Sami Kurteshi nga VV tha se procesi nuk është lënduar.

“Unë pajtohem që të krijohet komision”, tha ai./Periskopi/

Fletëvotimet e dyshimta në Mitrovicën e Jugut, mblidhet KQZ