Mesazhi i Haki Abazit: Heshtje në VV, nuk përgjigjen

Periskopi.com Lajme

Deputeti i Lëvizjes Vetëvëndosje, Haki Abazi nuk ka marrë pjesë në seancën e sotme të Kuvendit.

Abazi përmes një statusi në Facebook ka thënë se janë një sër faktorësh që e kanë shtyrë ta bëjë një veprim të tillë në këtë kohë por që nuk ka sqaruar më shumë në lidhje me këtë çështje, përcjell Periskopi.

“Të gjitha i kam transmetuar tek lidershipi dhe pres që të adresohen me kujdes dhe në kohë”, ka shkruar Abazi.

Periskopi ka tentuar të kontakojë me deputetin Abazi por i njëjti nuk i është përgjigjur telefonatës.

Zëdhënësi i Lëvizjes Vetëvendosje, Arlind Manxhuka, ka thënë se nuk është në dijeni për këtë situatë.

“Nuk jam në punë, jam në pushim dhe nuk jam në dijeni për këtë status të z. Abazit”, deklaroi Manxhuka për Periskopin.

Së fundi është vërejtur një pakënaqësi e deputetit të VV’së, Haki Abazi, në Kuvendin e Kosovës, ku gjatë seancës së djeshme kryeparlamentari, Glauk Konjufca, nuk ia lejoi një replikë Abazit ndaj deputetes Hykmete Bajrami.

“Haki je paraqitë, po s’pe di për cka.  Po Haki, ajo u kanë kundër replikë, i ka pasë 60 sekonda Hykmetja, tash nuk kemi mundësi”, i tha Konjufca deputetit Abazi.

Nuk dihet nëse kjo ka qenë edhe arsyeja që deputeti i VV’së, Haki Abazi ka lënë të kuptojë për probleme mes tij dhe “lidershipit”./Periskopi/