5 orë më parëMesazhi që Lajçak s’do të donte ta lexonte: Ja si e shpërfilli Kurti rëndësinë e takimit me traktoristin në ara
Periskopi(4 vite më parë)
(4 vite më parë)Ndonëse është ndër lajmet kryesore vizita e Emisarit Special të Bashkimit Evropian për dialogun Kosovë-Sebi, Miroslav Lajçak, në Kosovë – ajo prapë po shpërfillet nga kryeministri Kurti, sikur të ishte një “takim kafeje”, shkruan Periskopi. Përveq njoftimit se kryeministri Kurti do të takohet me të dërguarin e BE-së, nuk pati asnjë njoftim tjetër se çka […]
Përveq njoftimit se kryeministri Kurti do të takohet me të dërguarin e BE-së, nuk pati asnjë njoftim tjetër se çka u bisedua me të. Madje, kryeministri Kurti rëndësinë e këtij takimi e shpërfilli me një traktorist në ara, gjatë vizitës së tij me ministrin Peci në Gjilan.
Kreu i shtetit përmes një postimi në Facebook, vendosi të tregoj për një ndodhi teksa po bisedonte me bujqit, derisa përdhosi punën e një gazetareje që “po e ndiqte atë” për ta pyetur për takimin me Lajçakun.
“Teksa bisedonim me bujqit, gazetarja që na ndiqte nëpër ara po më pyeste me insistim për Lajçakun. Unë e pyeta traktoristin për Lajçakun, por ai tundi kokën e i dha gaz traktorit”, shkroi Kurti.
Vlen të theksohet se pothuajse gjatë dy vite të qeverisjes së kryeministrit Albin Kurti, transparenca karshi mediave nuk është në nivelin e duhur. Gazetarët në shumë raste kanë kritikuar kryeministrinë dhe ministritë se nuk po u kthejnë përgjigje në kërkesat e tyre. /Periskopi/
