3 orë më parëMeta në arkivat e ish-Sigurimit të Shtetit: S’jam unë, njoh 50 Ilir Metaj – njërin e kam pasë në klasë
Periskopi(4 vite më parë)
(4 vite më parë)Në një konferencë për mediat Ilir Meta ka reaguar pasi emri i tij sipas Autoritetit të Dosjeve rezulton në arkivat e ish-Sigurimit të Shtetit. Sipas Metës, bëhet fjalë për një lëvizje politike ndaj figurës së tij për të hequr vëmendjen nga afera e inceneratorëve. “Pse bëhet kjo? Çfarë i kushtonte Autoritetet që qenka shqetësuar, që […]
Sipas Metës, bëhet fjalë për një lëvizje politike ndaj figurës së tij për të hequr vëmendjen nga afera e inceneratorëve.
“Pse bëhet kjo? Çfarë i kushtonte Autoritetet që qenka shqetësuar, që të thërriste I.M. nëse ish ky këtu, që është Ilir Rexhep Metaj. Nuk jam as president, as deputet, dhe për se u dashka bërë me urgjencë një ligj i posaçëm për këtë I.M. që ata ta verifikojnë? Patjetër u ngrit Parlamenti në këmbë. Po cili Parlament? Ai me në krye zonjën Nikolla, apo Lindita e Ramës në Parlament që përdoret për nevojat personale të tij, siç është urgjenca për të spostuar vëmendjen nga afera e inceneratorëve ku do të përvëlohen të gjithe. Monika nuk i ndahet.
Kush e ka ndaluar këtë autoritet t’i bëjë publike se sa I.M. kanë qenë në Fakultetin e Ekonomisë. Në atë kohë kam qenë Sekretar i Rinisë së Fakultetit të Ekonomisë. U zgjodha se i kisha thuajse të gjitha dhjeta por edhe se kisha aftësi lideri që atëherë. Unë njoh 50 Ilir Metaj.
Në klasë kemi qenë dy Ilir Metaj. Ai ishte njeri korrekt dhe jam i sigurt që s’ka qenë. Autoriteti ka një përgjegjësi të madhe, se për nevoja të Ramës, shkatërron besimin e tij në publik. Për çështjen në fjalë dua të siguroj të gjithë qytetarët që Ilir Meta është këtu pas 30 vitesh angazhimi në politikë sepse ka qenë dhe është dhe do të jetë i pastër në ndërgjegjen e tij. Por do të vazhdojë edhe nja 30-40 vjet të tjera. Ëndrra ime tani është të bëhem sa më shpejt kryetar i Referendumit,” tha Meta.
