Miku i deputetit të VV-së, Adnan Rrustemit, rekomandoi PRO certifikimit të Listës Serbe

E gjitha kjo, pasi Periskopi ka arritur të sigurojë rekomandimin e përgatitur për certifikimin e Listës Serbe dhe 48 kandidatëve të saj për deputet.

Ky rekomandim që konstatonte se pas verifikimit “gjithçka është në rregull me Listën Serbe”, është përgatitur nga drejtori i Zyrës për Regjistrim dhe Certifikim të Partive Politike, Besnik Buzhala.

Por, kush është  Besnik Buzhala?

Buzhala nuk është emër i panjohur për publikun. Ai është mik i ngushtë i deputetit të Lëvizjes Vetëvendosje, Adnan Rrustemit.

Periskopi ka raportuar qysh në fillim të dhjetorit të këtij viti se Buzhala ka marrë edhe një detyrë të rëndësishme në KQZ, pasi që është caktuar U. D i Drejtorit të Sekretariatit të Komisionit Qendror të Zgjedhjeve.

Kjo është pozita kryesore në Komisionin Qendror të Zgjedhjeve, pas asaj të Drejtorit të Zyrës së Partive Politike.

Të dyja këto, tash do të drejtohen nga i njëjti person.

Më 12.12.2022, Buzhala ishte emëruar Drejtor i Zyrës për Regjistrimin, Certifikimin dhe Kontrollin Financiar të Subjekteve Politike në vitin 2022, pas procesit të rekrutimit.

Mediat kishin raportuar se kryesuesi i KQZ-së, Radoniqi nuk kishte përfilluar rekomandimet e Ambasadës Britanike.

Britanikët e kishin monitoruar procesin e intervistimit dhe sipas tyre asnjë kandidat nuk i kishte plotësuar kushtet për emërimin në këtë pozitë./PERISKOPI/

Miku i Adnan Rrustemit të VV-së merr një pozitë të rëndësishme në KQZ, britanikët s’e kishin poentuar as për drejtor të Zyrës së partive