Molliqaj: LDK e VV duhet të dëgjojnë mënyrën tonë se si duhet të rrëzohet Qeveria

Dardan Molliqaj, deputet i PSD’së ka thënë se partia e tij përkrah rrëzimin e Qeverisë aktuale dhe se janë të gatshëm të ulen me partitë tjera opozitare e të merren vesh.

Mirëpo, Molliqaj thotë se këto parti duhet ta dëgjojnë PSD’në për mënyrën e rrëzimit, transmeton Periskopi.

‘’Të ulen dhe ta dëgjojnë PSD’në edhe mënyrën tonë se si rrëzohet Qeveria. Ne jemi të gatshëm të ulemi fillimisht me LDK’në me i tregu se qysh ne e rrëzojmë Qeverinë. Edhe me krejt partitë tjera’’, ka thënë ai në DPT.

Për raportet me Vetëvendosjen pas ndarjes, Molliqaj thonë se duhet të flasin mes vete për këtë kauzë të përbashkët.

‘’VV po flet me të gjithë, pse mos me fol me neve. Besoj që flasin. Në këtë rast a është me rëndësi me u rrëzu Qeveria e me fol VV me PSD’në’’./PERISKOPI/