4 minuta më parëNaser Rugova përndiqet nga fjalët e thëna para një viti
Periskopi(5 vite më parë)
(5 vite më parë)Anëtari i Këshillit të Përgjithshëm të LDK-së, Naser Rugova, vitin e kaluar ishte prononcuar disa herë për media gjatë kohës sa kishte filluar “ndarja” mes Vjosa Osmanit dhe Lidhjes Demokratike. Ndër të tjerash, vitin e kaluar Rugova kishte deklaruar se “ABC-ja e demokracisë nuk është t’i dalësh kundër partisë, mendimet e tua mund t’i paraqesim […]
Ndër të tjerash, vitin e kaluar Rugova kishte deklaruar se “ABC-ja e demokracisë nuk është t’i dalësh kundër partisë, mendimet e tua mund t’i paraqesim në forumet e partisë por në fund, shumica vendos. Ne kemi demokraci të brendshme. Në LDK ka unitet në vendimmarrje më shumë se kurrë”, kishte deklaruar Rugova, transmeton Periskopi.
Në anën tjetër, sot vetë Rugova ka deklaruar se kryesia në dorëheqje të Lidhjes Demokratike të Kosovës, po përpiqet ta imponojë kandidatin e vet për Kryetar të ardhshëm.
“Do të thotë, përkundër katastrofës zgjedhore, akoma vazhdohet me idetë e klaneve dhe dallavereve. Kryetari i ri duhet të vijë vetëm nga baza dhe atë nëpërmes një gare demokratike, me shumë kandidatë dhe vetëm me votë të fshehtë”, ka thënë Rugova.
E fjalët e Rugovës si duket bien në kundërthënie me atë çfarë ai ka deklaruar vitin e kaluar për demokracinë brenda partisë ku bën pjesë, andaj mbetet të shihet se a do të frikësohet ai nga kjo ‘fantazmë’. /Periskopi/
