Ndërpritet ndeshja në Suharekë, referimi skandaloz irriton tifozët

Ndërpritet ndeshja në Suharekë, referimi skandaloz irriton tifozët

Derbi i kësaj jave në basketboll, ndërmjet KB Golden Ylli dhe KB Prishtina është ndërprerë 1 minutë pa përfunduar çereku i tretë. 

Rezultati ishte tejet i ngushtë, 64-68 për kryeqytetasit, që pavarësishtë kualitetit që kanë nuk arritën për asnjë moment të shkëputeshin me pikë nga Ylli.

Ndeshja eskaloi kur gjyqtarët e ndeshjes gabuan në mënyrë amatore, duke i dhënë një gabim teknik trajnerit vendas Arben Krasniqit, çka bëri që publiku i zjarrtë në palestrën ”13 Qershori” të irritohej tejmase, shkruan Periskopi.

Ata filluan hudhjen e gjësendeve drejt gjyqtarëve, të cilët jo rrallëherë dëmtojnë palën e njëjtë, por asnjëherë nuk është marrë diçka serioze nga Federata.

Pas disa minutave pushim, FBK-ja vendosi që ndeshje të vazhdonte por publiku të zbrazej tërësisht.

Këtë nuk e ka pranuar ekipi vendas me arsyetimin që basketbolli po luhet për tifozët dhe kësisoji ndeshja është ndërpritur. Me gjasë, ndeshja do t’i takoj Prishtinës me rezultat zyrtar 20-0. /Periskopi/

Shpërndaje në: