20 minuta më parëNë Twitter ylber, në Facebook kuq-e-zi: Albin Kurti postimin për LGBTIQ nuk e ndan me popullin
Periskopi(5 vite më parë)
(5 vite më parë)*Për nder të Ditës së Krenarisë po iu sjellim një artikull të 18 majit të këtij viti kur kryeministri Kurti kishte shkruar në Twitter për këtë komunitet, por jo edhe në Facebook. Megjithëse, kjo ditë do të festohet nën patronatin e Zyres së Kryeministrit, kryeministri megjithatë nuk ka marrë pjesë. Kryeministri i Republikës së Kosovës […]
*Për nder të Ditës së Krenarisë po iu sjellim një artikull të 18 majit të këtij viti kur kryeministri Kurti kishte shkruar në Twitter për këtë komunitet, por jo edhe në Facebook. Megjithëse, kjo ditë do të festohet nën patronatin e Zyres së Kryeministrit, kryeministri megjithatë nuk ka marrë pjesë.
Kryeministri i Republikës së Kosovës duket se është mjaft i stërholluar kur është puna te postimet në rrjetet sociale në Internet. Ai së fundi ka shprehur solidaritetin me komunitetin LGBTIQ në Twitter, por një gjë të tillë nuk e ka bërë edhe në rrjetin më masiv, Facebook.
Kurti ka shfaqur ndërtesën e Qeverisë së Kosovës me ngjyrat që simbolizojnë komunitetin LGBTIQ. Një gjë e tillë është bërë për çdo vit tash e gati një dekadë në Kosovë për të shenjuar Ditën Ndërkombëtare kundër Homofobisë.
“Për ditën Ndërkombëtare Kundër Homofobisë, si shenjë solidariteti, ndërtesa jonë qeveritare do të jetë e ndriçuar me ylber. Diskriminimi na ndan dhe përçan neve. Mund të tallojmë sa i përket orientimeve dhe besimeve, por të gjithë jemi të barabartë. Le të qëndrojmë ballëlart kundër çdo lloji të paragjykimit, jo veç sot por çdo ditë.” – ka shkruar ai në Twitter, përcjell Periskopi.
Sidoqoftë, vitin e kaluar qeveria ishte kritikuar ashpër pasi që kishte hezituar për kohë të gjatë që ta bënte ndriçimin e objektit të qeverisë siç kishin bërë qeveritë paraprake.
Kurti megjithatë nuk e ka ndarë fare postimin në fjalë edhe në Facebook, e i cili njihet si një rrjet social më popullor në Kosovë.
Postimi i tij i fundit në Facebook është ai për takimin virtual me kancelaren Angela Merkel, e i cili i ka marrë më shumë se 23 mijë pëlqime. Ky postim natyrisht që është shpërndarë edhe në Twitter.
Por, postimi për LGBTIQ ka marrë vetëm 506 [18 maj, ora 11:50 e paradites].
“Duket se vendi ka dy Albin Kurta. Njëri në Facebook ‘kuq-e-zi’ dhe tjetri në Twitter me ngjyra ylberi.” – mund të ishte komenti i ndonjë analisti nëse do të kishim kohë të shtronim pyetjen. /Periskopi
