Ngjashmëritë tronditëse të Gambisë me Kosovën: Po aq territor, po aq numër banorësh, liderin ish bodigard, ish liderin me plis
*Artikull i datës 26 qershor 2019 nga Periskopi (kush tjetër?)
Gjatë ditës së sotme në mediat ndërkombëtare po qarkullon me të madhe lajmi se një vajzë nga Gambia kishte denoncuar ish presidentin e vendit, keqbërësin Yahya Jammeh për përdhunim seksual.
Përveç saj, të njëjtin rrëfim e kishin pasur edhe shumë vajza të tjera.
Jammehu ishte një ndër politikanët më të korruptuar afrikanë që aktualisht ndodhet në ekzil në Guinean Ekuatoriale, shkruan Periskopi.
Por, ajo që bie në sy për vendin perëndimor afrikan me popullësi myslimane janë disa ngjashmëri të përçudshme me Kosovën.
Presidenti aktual i Gambisë, Adama Barrow, ngjashëm si kryeministri Haradinaj kishte punuar si bodigard në Perëndim
Ish presidenti Yahya Jammeh e vinte vazhdimisht një plis në krye, megjithëse nuk dihet kuptimi i tij. Përveç kësaj, edhe deklaratat e forta e të pamenduara që shkaktonin senzacion, janë tepër të përngjashme me ato që i japin politikanët kosovarë në pushtet.
Por, ajo që e bën tepër të çuditshme gjithë rrëfimin – mes tjerash – është edhe madhësia gjeografike. Derisa Kosova i ka 10,908 km katrorë, Gambia i ka 10,689. Më pas, Kosova i ka 1 milion e 920 mijë banorë me një densitet prej 159 banorësh në 1 kilometër katror ndërsa Gambia i ka 1 milion e 857 mijë me densitet prej 176,1 banorë në 1 kilometër katror.
Përveç këtyre, edhe dita e pavarësisë së dy vendeve është fare afër. Derisa Kosova e feston 17 shkurtin, Gambia e feston 18 shkurtin pasi që ishte pavarësuar nga Mbretëria e Bashkuar më 1965. /Periskopi
