Një protestues e quan hajn, Haradinaj ia kthen: A ta kam vjedhë nanën a babën

Periskopi.com Lajme

Kryeministri Ramush Haradinaj ka dalë jashtë objektit qeveritar për të ju përgjigjur kërkesave të zjarrfikësve që po protestonin. Ai ka ftuar ata në takim në qeveri, por para kësaj, u përball me dikë që po e quante hajn. Ai kërkoi nga ai që të tregojë se çfarë i ka vjedhur, duke i thënë se nëse vazhdon të besoj që kryeministri është hajn, atëherë s’ka çfarë të diskutohet.

Më pas këshilli organizativ i protestës, tha se duan që problemin e tyre ta zgjidhin me diskutime dhe se tërhiqen nga thirrjet e atyre protestueseve që po i thërrisnin kryeministrit me hajn.

“Kush është ai që po thotë hajn, s’e di a ia kom vjedh babën a nanën… Le t’kallxon.  Tanë jemi të qitij vendi, mos gaboni…”. Haradinaj i ftoi për kafe brenda objektit të Qeverisë.

Ai tha se në sallë ka vend vetëm për 30 persona.“Po e nij dikon duke thanë hajna. Nëse jam hajn atëherë shkoni në shpi se nuk kemi çka folim. Në sallën P 38 a po vini një kafe”.

Haradinaj: Zjarrfikësve të Kosovës do t’u bëhet zgjidhje afatgjate, përmes ligjit Kryeministri Ramush Haradinaj, në takimin me përfaqësuesit e sindikatave të zjarrfikësve, iu ka thënë se Qeveria e vendit është shtëpia e tyre dhe këtu do t’u ofrohet zgjidhje kërkesave që ata kanë.“Për herë të parë, kjo Qeveri po merret me kërkesat e zjarrfikësve, të cilat datojnë prej dekadash”, ka theksuar Haradinaj.

“Ne kemi iniciuar krijimin e një koncept dokumenti i cili shumë shpejt do të vijë për diskutim në Qeveri dhe do të bëhet ligj, duke i hapur rrugë zgjidhjes afatgjate të problemeve dhe kërkesave të tyre”, ka shkruar Haradinaj, në faqen e tij në Facebook. /gazetametro.net

Shpërndaje në: