“Nuk e di se çka lypa me ardhë këtu”-Sekretari i MAPL shkarkohet pas fjalosjes me burrin e Albulena Haxhiut

Punën e sekretarit në MAPL nga sot do ta kryej, Trim Berisha, pasi edhe zyrtarisht është emëruar në këtë pozitë nga ministri Krasniqi. Ai është djali i kryetarit të Fushë Kosovës, Burim Berisha.

Burime të Periskopit kanë bërë të ditur se shkarkimi i Fehmi Zenës ka ndodhur dhjetë ditë pasi pati një zënkë verbale me Alban Krasniqin, burrin e ministres, Albulena Haxhiu.

Krasniqi i cili është këshilltar i ministrit, mësohet se ka pasur një zënkë  verbale para dy javëve më Zenen lidhur me një vendim.

Periskopi ka kontaktuar më sekretarin e shkarkuar për të marr detaje, por i njëjti pa dashur të flasë rreth vendimit të shkrimit të tij, tha se “ mund të bëni qasje në dokumente zyrtare dhe e shihni arsyetimin”.

Më pas, Periskopi e ka pyetur decitivishtë atë se “A është e vërtet se ka pasur një zënkë verbale me Alban Krasniqin, dhe se a është kjo arsyeja e shkarkimit të tuaj”.

Zena vazhdoi duke thënë “Ju lutem, unë jam njeri serioz, nuk jam marr më këto çështje kurrë. Pooo, unë nuk e di se çka lypa me ardhë këtu (ministri) mas pari”.

Më 5 gusht 2022, Alban Krasniqi, bashkëshorti i Ministres së Drejtësisë, Albulena Haxhiu është emëruar këshilltar i jashtëm politik i ministrit të Administrimit të Pushtetit Lokal (MAPL), Elbert Krasniqi. Ai shkon çdo ditë në punë në këtë institucion.

Ndërkohë më datë 01.03. 2023, Fehmi Zena është transferuar si zv. Sekretar në MAPL me një mandat për gjashtë muaj. Para dy javësh ai ka qenë duke e kryer punën e Udhëheqësit të Departamentit për Burime Njerëzore, Prokurim dhe Administratë në Këshillin Prokurial të Kosovës. /Periskopi/