“Nuk kemi hapësirë” – Komunat kundër Qeverisë, shkak një udhëzim administrativ
Asociacioni i Komunave të Kosovës ka dal kundër udhëzimit administrativ të Qeverisë së Kosovës ,që është në hartim e sipër, e që përmes tij, udhëzohen komunat që të ofrojnë hapësirat komunale për shërbime të ministrive të ndryshme të Qeverisë së Kosovës, shkruan Periskopi.
Sazan Ibrahimi, drejtor Ekzekutiv në AKK, ka thënë për Persikopi se pse ky UA po kundërshtohet.
Si komuna të Kosovës, ata kanë listuar nëntë arsye, duke kundërshtuar kështu udhëzimin që po bëhet nga ministria e Pushtetit Lokal.
“Bordi i AKK-së është kundër Udhëzimit Administrativ (U.A) për ofrimin e hapësirave brenda objekteve të komunës për Institucionet qëndrore që ofrojnë shërbime në komuna”, ka thënë Ibrahimi.
Këto janë nëntë arsyet e AKK’së që kundërshtojnë UA:
1.Mungon baza ligjore për nxerrjen e këtij Udhezimi Administrativ dhe rregullorja ku thirret MAPL për nxjerrjen e këtij akti është e shfuqizuar.
2.Në asnjë rast kryetari i komunës nuk mund të obligohet me një Udhëzim Administrativ pa bazë ligjore që të siguroj në afat prej tredhjet (30) ditëve, hapësira publike për Institucionet qendrore për ofrimin e shërbimeve në komuna.
3.Shumica e komunave nuk kanë hapësirë për vete e lëre më të sigurojnë hapësira edhe për Insitucionet qëndrore. Rekomandohet që zyrtarët e MAPL të dalin pak në vizita nëpër komuna që ta shohin realitetin e jo të meren vendimet nga katet e larta të ndërtesës së ish-Rilindjes.
4.Nëse Institucionet qëndore janë të interesuara të ofrojnë shërbime në nivel komunal, atëherë ato duhet ta marin edhe përgjegjësinë për të siguruar hapësira për ofrimin e këtyre shëbimeve e jo që këtë barrë t’ia lëjnë kryetarëve të komunave.
5.Në bazë të praktikave të mëhershmë, kur qytetarët aplikonin për dokumete të udhëtimit nëpër komuna e ku kjo përgjegjësi është e MPBAP, shkaktoheshin tollovi nëpër ndërtesat komunale dhe ku me këtë rast qytetarët fajsonin komunat për këto tollovi.
6.Patjetër që duhet të meret në konsideratë mendimi i kryetarëve të komunave rreth këtij U.A
7.Paramendoni nëse të gjitha këto insitucione qëndore do kërkonin nga komunat që t’iu ipen hapësira të komunave në shfytëzim, atëherë ka mundësi që komunat të dalin me qira në objekte tjera në mënyrë që të zbatohet ky U.A.
8.Nuk bën që të hartohen këso U.A pa asnjë analizë paraprake të situatës nëpër komuna.
9.Do të ishte mirë që të zbatohen praktikat e mira rreth bashkëpunimit të komunave me Insitucineve qëndrore në lejimin e shfytëzimit të hapësirave të komunave përmes Marëveshjeve të ndërsjellta e jo me Urdhëra nga lart, ashtu siç e parasheh neni 4, pika 3 e këtij draft U.A
