Osmani letër Valdete Dakës: KQZ ta rishqyrtojë vendimin për verifikimin e votave të diasporës përmes telefonatave

Ushtruesja e Detyrës së Presidentes, znj.Vjosa Osmani, ka shkruar e shqetësuar pas vendimit të KQZ-së se diaspora do të mund të votojë duke u verifikuar përmes telefonatave. “E drejta e votës është e drejtë fundamentale, e garantuar me Kushtetutën tonë dhe me të gjitha konventat ndërkombëtare për të drejtat e njeriut. Si e tillë, e […]
Ushtruesja e Detyrës së Presidentes, znj.Vjosa Osmani, ka shkruar e shqetësuar pas vendimit të KQZ-së se diaspora do të mund të votojë duke u verifikuar përmes telefonatave.
“E drejta e votës është e drejtë fundamentale, e garantuar me Kushtetutën tonë dhe me të gjitha konventat ndërkombëtare për të drejtat e njeriut. Si e tillë, e drejta e votës është e drejtë e patjetërsueshme e cila nuk mund të kushtëzohet me një telefonatë. Ky vendim i KQZ-së, e specifikisht pika IV e tij, mund të krijojë rrethana me të cilat e drejta e votës shkelet në mënyrë flagrante”, shkruan Osmani në Facebook, në letrën që ia ka nisur kryetares së KQZ-së, znj. Valdete Daka.













