Osmani për shkarkimin e Dakës: Ndër vendimet më të mira që kam marrë si Presidente

Osmani ka thënë se ky vendim jo vetëm që ka qenë i drejtë por edhe i plotë me ligjet dhe Kushtetutën e vendit.

“Ndër vendimet më të mira që kam marrë si presidente. Gjatë tërë mandatit do të vazhdojë të punojë me ngulm që në institucionet tona të ketë integritet, jo vetëm profesionalizëm”, ka thënë Osmani.

“Ai vendim jo vetëm që ka qenë i drejtë por i plotë me ligjet dhe kushtetutën e vendit”, tha ajo në ‘Kallxo Përnime’, përcjell Periskopi.

Presidentja e Kosovës ka folur edhe për raportin amerikan ku thotë se vendimi për shkarkimin e Dakës ka qenë “politiksht i motivuar”

“Raporti i DASH-it nuk e vlerëson në asnjë moment vendimin tim si politikisht të motivuar. Raporti i DASH-it e citon opozitën dhe shoqërinë civile. Në asnjë vend raporti amerikan nuk bën vlerësim të veten, por thjesht i citon të gjitha palët”, ka thënë  presidentja Osmani.

Nën arsyetimin e shkarkimit të Dakës thuhet se “kriteri i të qenit organ i pavarur duhet të sigurohet nga të gjitha institucionet relevante dhe duhet menaxhuar nga brenda nga Kryesuesi së bashku me anëtarët e KQZ-së”./Periskopi/