5 orë më parëOsmani pret leje dhe siguri nga Serbia për vizitën e saj
Periskopi(8 vite më parë)
(8 vite më parë)Deputetja e Lidhjes Demokratike të Kosovës, Vjosa Osmani , i është përgjigjur pozitivisht ftesës së kryetarit të Komitetit për Integrim Evropian në Kuvendin e Serbisë, Nenad Çanak, për një mbledhje që ky i fundit do ta organizojë në Kuvendin e Serbisë, të quajtur ‘Përmes idesë së BE-së drejt paqes dhe zhvillimit’, shkruan Periskopi. “Unë e […]
“Unë e kam konfirmuar pjesëmarrjen”, është shprehur Osmani në një prononcim për Periskopin.
Megjithatë ende nuk dihet nëse Osmanit do t’i lejohet hyrja në Republikën e Serbisë.
Ajo ka treguar se pas pranimit të ftesës, Zyra Ndërlidhëse e Kosovës në Beograd, ka bërë kërkesë tek autoritetet serbe që asaj t’i lejohet hyrja në shtetin e Serbisë.
“Zyra jonë ndërlidhëse në Beograd e ka bërë kërkesën ( në përputhje me marrëveshjen mes dy shteteve) për t’u lejuar hyrja”, ka thënë deputetja Osmani, shkruan Periskopi.
E kjo ftesë që Çanak i ka bërë deputetes kosovare, ka nxitur reagimin e ashpër të liderit të Partisë Radikale të Serbisë, Voisllav Sheshel, i cili ka kërkuar shkarkimin e Çanakut, dhe ndalimin e hyrjes së Vjosa Osmanit në Serbi.
E pyetur nga Periskopi, nëse ka shqetësime lidhur me çështjen e sigurisë për këtë vizitë të mundshme në Serbi, Osmani ka thënë se është në pritje të vlerësimit të autoriteteve të sigurisë.
“Po e presim përgjigjen për këtë kërkesë dhe vlerësimin e autoriteteve të sigurisë” ka deklaruar Osmani.
Në këtë takim i cili do të mbahet me 11 dhe 12 maj, Osmani është ftuar në cilësinë e Kryetares së Komisionit për Punë të Jashtme në Kuvendin e Republikës së Kosovës.
Ndryshe lideri radikal serb,Vosillav Sheshel, i cili ka kundërshtuar vizitën e Osmanit, është shndërruar në protagonist të skandaleve në Serbi, pas incidentit të ndodhur me delegacionin e Kuvendit kroat i cili ishte për një vizitë në Kuvendin e Serbisë./Periskopi/
