Padia ndaj MASHT-it dhe MSH-së për 35 milionë euro, AKK kërkon që gjykata komerciale të shqyrtojë rastin

26 komuna, në gusht të vitit 2022, kanë paditur Ministrinë e Arsimit, Shkencës, Tekonologjisë dhe Inovacionit si dhe Ministrinë e Shëndetësisë për kthimin e mjeteve financiere të marura padrejtësisht nga komunat për zbatimin e Kontratave Kolektive në arsim dhe shëndetësi. Deri në gusht të vitit 2022 komunave iu janë marr mbi 35 milion euro. Marrja e mjeteve është duke vazhduar.

“Këto padi janë bërë në Gjykatën themelore të Prishtinës dhe të bartura për shqyrtim në Gjykatën Komerciale në Prishtinë. Siç dihet këto dy ministri në mënyrë të njëanshme patën lidhur Marrëveshje me Sindikatat respektive për zbatim të Kontratave Kolektive pa asnjë konsultim me Komunat e Kosovës”, thuhet në njoftimin e këij Asociacioni.

Reagimi i plotë:

ASOCIACIONI I KOMUNAVE KËRKON NGA GJYKATA KOMERCIALE TË SHQYRTOJ LËNDËN E KONTRATAVe KOLEKTIVE NË ARSIM E SHËNDETËSI

Në gusht të vitit 2022, 26 Komuna kanë paditur Ministrinë e Arsimit, Shkencës, Tekonologjisë dhe Inovacionit si dhe Ministrinë e Shëndetësisë për kthimin e mjeteve financiere të marura padrejtësisht nga komunat për zbatimin e Kontratave Kolektive në arsim dhe shëndetësi. Deri në gusht të vitit 2022 komunave iu janë marr mbi 35 milion euro. Marrja e mjeteve është duke vazhduar.
Këto padi janë bërë në Gjykatën themelore të Prishtinës dhe të bartura për shqyrtim në Gjykatën Komerciale në Prishtinë.
Siç dihet këto dy ministri në mënyrë të njëanshme patën lidhur Marrëveshje me Sindikatat respektive për zbatim të Kontratave Kolektive pa asnjë konsultim me Komunat e Kosovës.
Asociacioni i Komunave të Kosovës rithekson se nuk është kundër Kontratave Kolektive por është kundër zbatimit të tyre në formën e deritashme duke ua marrë mjetet financiare komunave kur palë nënshkruese janë Institucionet qendrore.
Këto dy Kontrata janë nënshkruar pa asnjë konsultim paraprak me Komunat, pa vlerësim të ndikimit buxhetor, pa dakordim me Komunat dhe pa dijeninë e Komunave, derisa obligimet financiare të tyre kanë rënë tërësisht mbi Komunat dhe buxhetet e tyre.
Andaj me këtë rast Asociacioni i Komunave kërkon nga Gjykata Komerciale që të shqyrtoj këto lëndë sa më shpejtë meqë dëmi në autoritetet lokale është i përditshëm dhe në dëm të investimeve të projekteve kapitale, e që vetëm këtë vit pritet të tejkalojnë shumë prej 30 milion euro.
Në zbatim të këtyre marrëveshjeve përmbaruesit po ua marrin mjetet Komunave kryesisht nga fondi i Investimeve të Projekteve Kapitale.
Pra këto mjetet do duhet të përktheheshin në projekte kapitale për qytetarët derisa Qeveria as nuk rimburson këto mjete te Komunat e as nuk lejon ato që t’i fusin në planifikimet buxhetore.

Kërkohet paraburgim për të arrestuarin për fajde