Për të 19-tën herë dështon konstituimi i Kuvendit , s’ka vota për Albulena Haxhiun

Seanca konstituive u ndërpre pas thirrjes që kryesuesi i kësaj seance, Avni Dehari, bëri për partitë: PDK, LDK, Lista Serbe dhe AAK për të propozuar nga një anëtar për Komisionin për votimin e fshehtë.

Këto parti sërish nuk dhanë propozimet e tyre, kurse më pas u vazhdua me hedhjen në votim të krijimit të komisionit pa propozimet e këtyre katër subjekteve parlamentare. Por, propozimi i Deharit për formimin e komisionit për votimin e fshehtë nuk mori vota të mjaftueshme.

Që nga 15 prilli Kuvendi është mbledhur çdo dy ditë. Seanca ka ngelur te zgjedhja e kryetarit të Kuvendit e më pas nënkryetarëve, për t’u konsideruar si i konstituuar./Periskopi/