3 minuta më parëPeriskopi cak i Shërbimeve Sekrete të ushtrisë serbe, e lidhin me UÇK-në
Periskopi(2 vite më parë)
(2 vite më parë)Aleksandër Vuciqi ka vizituar Shërbimin Inteligjent Ushtarak të Serbisë para dy ditësh. Prej aty, ai ka prezantuar hartat se ku është e pozicionuar ushtria serbe rreth Kosovës. Në një pjesë, aty ku ishte i ashtuquajturi ministër i mbrojtjes serbe, Milosh Vuceviq, shpjegohen edhe dosjet e këtij shërbimi sekret serb për organizata dhe persona të ndryshëm […]
Aleksandër Vuciqi ka vizituar Shërbimin Inteligjent Ushtarak të Serbisë para dy ditësh. Prej aty, ai ka prezantuar hartat se ku është e pozicionuar ushtria serbe rreth Kosovës. Në një pjesë, aty ku ishte i ashtuquajturi ministër i mbrojtjes serbe, Milosh Vuceviq, shpjegohen edhe dosjet e këtij shërbimi sekret serb për organizata dhe persona të ndryshëm në Kosovë. Në pjesën ku flitet për OVL e UÇK-së, Shërbimi sekret serb, e ka futur edhe mediumin Periskopi, si pjesë të dosjes…
Para dy ditësh, krerë të Serbisë, Vuciqi me ministrin e mbrojtjes serbe, kanë vizituar Shërbimin Inteligjent Ushtarak serb, ku kanë promovuar edhe hapjen e Qendrës Operative Kujdestare.
Në një pjesë të prezantimit të dosjeve, shihet edhe Dosja e Organizatës së Veteranëve të UÇK-së, ku bëhet ndërlidhja edhe me mediumin tonë.
Nga kjo, vërehet se mediumi Periskopi është target i Shërbimit Inteligjent Ushtarak të Serbisë, andaj nëpërmjet këtij artikulli, dëshirojmë ta kemi vëmendjen e institucioneve të sigurisë në shtetin tonë – Republikën e Kosovës, sidomos në aspektin e sigurisë kibernetike, Ambasadave dhe organizatave për mbrojtjen e gazetarëve.
Se çka nënkupton targetimi i një mediumi nga një shërbimi inteligjent ushtarak i një shteti armiqësor ndaj shtetit tënd, ne kemi biseduar me z.Burim Ramadani, ekspert i sigurisë.
“Duke qenë që pjesa ku prezantohet OVL – UÇK-së dhe skema e bashkëpunimit të saj me persona dhe organizata, jeni edhe mediumi juaj, kjo nënkupton se ata kanë dosje për secilin, në cfarëdo forme që mund të ndërlidhet me ta (OVL e UÇK-së)”, shpjegon Burim Ramadani për Periskopin.
“Kjo e rritë rrezikun për juve si medium, sidomos në aspektin e ndërhyrjes kibernetike, por edhe për pjesën e stafit, mund të bëjnë mbikëqyrjen e lëvizjes në bashkëpunim me shërbime të tjera sekrete, ku kanë afërsi më të madhe”, sqaron Ramadani.
Kujtojmë se në këtë skemë, janë edhe disa emra si ai i ushtruesit të detyrës në OVL të UÇK, Faton Klinaku, është emri i Esat Shalës – qytetarit nga Drenasi i cili është i njohur për arkivën më të madhe të krimeve serbe në Kosovë.
