6 orë më parëPeriskopi i bashkohet pyetjes së avokatit Koci: A ka Asociacion të Gazetarëve në këtë vend?
Periskopi(7 vite më parë)
(7 vite më parë)Avokati Arianit Koci ka reaguar ndaj statusit të ish-drejtorit të VV-së në Komunën e Prishtinës, Hysen Durmishi, ku ky i fundit ka kërkuar nga Prokuroria që të arrestoj: Sylë Hoxhen, Dhurata Hoxha, Nexhmi Krasniqi, Baton Haxhiu, e Vehbi Kajtazin, me preteksin se këta ishin njerëzit të cilët vranë dhe dhanë urdhër për vrasje të Astrit […]
Koci tha se një thirrje e tillë për burgosje të gazetarëve bëhet vetëm në Rusi, Turqi, Venezuelë e Kubë.
Avokati Koci nëpërmjet statusit të tij në Facebook, ka pyetur se a ka Asociacion të Gazetarëve në këtë vend, përnderisa ende nuk është parë asnjë reagim ndaj këtij asocacioni i cili është thirrur që t’i mbrojë gazetarët.
Pyetjes së avokatit të njohur Koci, i bashkohet edhe redaksia e Periskopit. Pra, a ka Asociacion të Gazetarëve në Kosovë?
Së fundmi, ky Asociacion, as që mori mundin të reagojë ndaj gjuhës rrugaçe të një kryeredaktori në njërin nga TV-të e Kosovës bërë ndaj gazetarëve të mediumit tonë, Periskopit, mesazh pas të cilit, sic është e informuar edhe AGK, redaksia jonë ka marrë dhjetëra mesazhe kërcënuese.
Periskopi mendon, se ndoshta ky lloj Asociacioni, është me mirë kur hesht, kur nuk flet fare se sa të jetë një shembull i aplikimit të standardeve të dyfishta.
Sidoqoftë, Periskopi mendon se avokati i njohur Koci ka të drejtë dhe se gazetarët – edhe nëse nuk i mbron ky Asociacion – solidarizohen me njëri – tjetrin dhe në këtë rast edhe Periskopi dënon gjuhën linçuese ndaj gazetarëve në fjalë./Periskopi
